ဒီမေးခွန်းက ရိုးရှင်းပေမယ့် နက်နဲလှပါတယ်။ မေးသမျှထဲမှာ အရေးကြီးဆုံး မေးခွန်းဖြစ်ပါတယ်။ ဒီလောကထဲကနေ ထွက်သွားပြီးနောက် ဘယ်မှာသွားမလဲ မေးခွန်းထက် ပိုအရေးကြီးတဲ့ မေးမွန်း မရှိတော့ပါ။ မိတ်ဆွေရော ဒီလောကကြီးကနေ ထွက်သွားတာနဲ့ ဘယ်သွားမလဲဆိုတာ သိပြီလား။ တမလွန်အတွက် ယုံကြည်စိတ်ချမှု ရှိပြီလား။

၁။ ကျွန်တော်/မ ဟာ အပြစ်ရှိတယ်ဆိုတာ စဉ်းစားမိပါသလား။ အပြစ်ရဲ့ ဆိုးကျိုး၊ အကျိုးဆက်က ဘယ်လိုလဲ။ လူသားတိုင်း အာဒံ ကနေ ဆင်းသက်လာတဲ့ လူသားတိုင်းဟာ အပြစ်သယ်ဆောင်ပါတယ်။ 

ဖိလိပ္ပိထောင်မှူးက ပေါလုနှင့် စီလပ်တို့ကို “သခင်၊ ကျွန်ုပ်ကယ်တင်ခြင်းရဖို့ ဘာလုပ်ရမလဲ။?” (တမန်တော် ၁၆:၃၀) မေးတဲ့အခါမှာ ပေါလုနှင့် စီလပ်က “သခင်ယေရှုကို ယုံကြည်ပါ၊ သို့ဖြစ်လျှင် ကယ်တင်ခြင်းရလိမ့်မည်။” ပြန်ဖြေဆိုခဲ့ပါတယ်။ ဒါဆိုရင် ဘယ်ကနေကယ်တင်ရမှာလဲ။ လူတိုင်း အပြစ်ရှိသည်ဟု သမ္မာကျမ်းစာက ဖော်ပြသည်။ ကျွန်ုပ်တို့၏အပြစ်ကြောင့် လူတိုင်း သေခြင်းနှင့် ထိုက်တန်ကြသည် (ရောမ ၆:၂၃)၊ အပြစ်တရား၏အခကား သေခြင်းဖြစ်သည်။ အပြစ်ကြောင့် လူတိုင်း သေခြင်းနှင့် ရင်ဆိုင်ရမည်။ လူသည် သေပြီးနောက်ပိုင်း မပြီးဆုံးသေးပါ၊ အပြစ်က ဝိညာဉ်ကို အဘယ်ငရဲသို့ ဦးတည်စေပါသည်။ ဘုရားသခင်က လူတိုင်း အပါယ်သွားဖို့ အလိုမရှိပါ။ သူ့ရဲ့တစ်ပါးတည်းသောသားတော်ကို လူတွေအပြစ်ကိုယ်စား အသေခံဖို့ စေလွှတ်ခဲ့ပါသည်။ လက်ဝါးကားတိုင်မှာ အသေခံပြီး သူ့ကို သင်္ဂြိုလ်ပြီး၊ သုံးရက်မြောက်သောနေ့မှာ ရှင်ပြန်ထမြောက်ခဲ့ပါသည်။ အပြစ်ထဲကနေလွှတ်မြောက်ဖို့ ကျွန်တော်/မတို့ရဲ့ နှလုံးသားနှင့် ယေရှုကို ဖိတ်ခေါ် ယုံကြည် လက်ခံဖို့ လိုအပ်ပါသည်။